Maxaa dhacaya haddii aad isticmaasho Metro Athens gudaheeda tigidh la'aan?

Haddii lagugu ganaaxo isticmaalka gaadiidka dadweynaha tigidh la'aan, waa inaad bixisaa 60 jeer qiimaha tigidhada.

Ma bixin karaa wax ka yar?

Waxaad heli kartaa qiimo dhimis 50% ah ganaaxaaga haddii aad ku bixiso 10 maalmood gudahood .

Sideen ku bixiyaa ganaaxayga?

Sida ugu fudud waa in aad tagto xafiiska boostada oo aad jeeg ku bixiso.

Shaqaalaha boostada waa inay awoodaan inay kaa caawiyaan buuxinta jeegga. Waa inaad ku qortaa jeegga:

• Lambarka ganaaxa
• Magacaaga
• Magaca shirkadda gaadiidka ee bixisay ganaaxa

Jeegga waxaa laga qaadayaa €4.

Ka hel xafiiska boostada oo kuu dhow meesha aad ku nooshahay.

Waxaad booqan kartaa Xafiiska Lacag-bixinta ganaaxa ee Gaadiidka Dadweynaha haddii aadan rabin inaad bixiso €4 dheeraad ah oo jeeg ah.

Xagee ka heli karaa Xafiiska Lacag-bixinta ganaaxa ee Gaadiidka Dadweynaha?

Haddii lagugu ganaaxay baska (ama trolleybus) gudaha Athens booqo: Admitou 17 ama Parnassou 6 .

Haddii lagugu ganaaxay metro ama taraamka Athens booqo: Metsovou 15 .

Haddii aad joogtid meel ka baxsan Athens, weydii qof ku hadla Gariiga inuu kaa caawiyo helitaanka Xafiiska Lacag bixinta ganaaxa ee Gaadiidka Dadweynaha.

Maxaa dhacaya haddii aan bixin waayo ganaaxa?

2 bilood ka dib (60 maalmood) laga bilaabo wakhtiga lagu ganaaxay, lacagta waxa lagu dhuftaa 5.

Kadibna shirkadda gaadiidku waxay u diri doontaa ganaaxan aan la bixin maamulka cashuuraha Gariiga, kuwaas oo u diiwaan gelin doona deyn ahaan magacaaga.

Tani waxay ka dhigan tahay haddii aad leedahay lambarka canshuurta Gariigga (AFM) (ama haddii aad hesho AFM si degdeg ah), maamulka canshuurtu waxay ku sii wadi doonaan inay ku weydiiyaan lacag bixinta.

Maadaama lambarkaaga AFM uu ku xidhan yahay Is-diiwaangelinta ka hor ama Diiwaangelinta Buuxa ama nambarka Ogolaanshiyaha Deganaanshaha, ma jirto si looga fogaado in lagu dalaco lacagtan tirada badan.

Haddii aad hesho AFM wakhti kasta ka dib marka lagu ganaaxo, wixii ganaax ah ee jira waxa lagu xidhi doonaa lambarkaaga cusub, maamulka cashuuruhuna waxay bilaabi doonaan inay ku waydiiyaan lacagta.

Miyaanan iska indho tiri karin ganaaxyadayda?

Ma aha haddii aad leedahay AFM - iyo haddii aad rabto inaad ka shaqeyso Gariiga, waa inaad heshaa AFM.

Markaad haysato AFM, maamulka canshuuraha ayaa bilaabi doona inay ku weydiiyaan inaad bixiso ganaaxaaga - oo leh dulsaar dheeraad ah - laga bilaabo laba bilood ka dib markaad hesho ganaaxa.

Haddii aad magacaaga ku leedahay akoon bangi ama aad hesho mid mustaqbalka, arrimuhu way ka sii dari karaan marka lagugu leeyahay wax ka badan €500.

Sharciga Gariigga ee hadda ayaa u oggolaanaya maamulka canshuuraha in ay la wareegaan lacagaha xisaabtaada bangiga marka deyntaadu ay ka badan tahay € 500 .

Sideen u ilaalin karaa akoonkayga bangiga?

Tag bangigaaga oo weydiiso inaad ku dhawaaqdo in akoonkaaga "aan lala wareegin."

Ku dhawaaqida akoonkaaga "aan la wareegin" waxay hubinaysaa in maamulka canshuuruhu aysan la wareegi karin wax ka mid ah lacagtaada haddii sidaas la sameeyo ay kaaga tagayso wax ka yar € 1,200 xisaabtaada.

Tusaale ahaan: Haddii aad akoonkaaga aan lala wareegin ku leedahay €1,562, mas'uuliyiintu waxay qaadan karaan oo keliya €362. Haddii aad akoonkaaga ku jirto €943, mas'uuliyiintu ma qaadan karaan wax lacagtaada ah.

Miyay la wareegi karaan ganaaxyada kaalmada lacageed?

Maya. Refugee.Info waxay xaqiijisay in maamulka canshuuruhu aysan la wareegi karin lacagaha deynta ah kaalmadaada lacageed.